युभेन्टसलाई पराजित गर्दै एसी मिलान च्याम्पियन्स लिगमा

काठमाडौं । इटालियन सिरी ए फुटबलमा एसी मिलानले जित हात पारेको छ । आइतबार राति भएको खेलमा मिलानले युभेन्टसलाई १-० गोल अन्तरले पराजित गरेको हो ।

मिलानको जितमा ओलिभर जेरुडले खेलको ४० औं मिनेटमा निर्णायक गोल गरे । यस जितसँगै मिलानले च्याम्पियन्स लिगमा स्थान पक्का गरेको छ ।

मिलानले ३७ खेलमा ६७ अंक जोड्दै चौंथो स्थानमा रहेको छ । युभेन्टस ५९ अंक जोडेर सातौं स्थानमा रहेको छ ।