आईपीएल फाइनल : आज पनि वर्षा बाधक बने गुजरात विजयी हुने (सम्पूर्ण जानकारी)

वर्षाले रोकिएको आईपीएल २०२३ को उपाधि खेल ‘रिजर्भ डे’ मा पुगेको छ । आईपीएलको इतिहासमा यो पहिलो पटक भएको हो । यसअघि निर्धारित दिन २०–२० ओभरको पूर्ण खेलपछि सबै फाइनलको नतिजा आएको थियो ।

चार पटकको च्याम्पियन चेन्नई सुपर किंग्सले फाइनलमा साविक विजेता गुजरात टाइटन्सको सामना गर्नेछ । खेल अहमदाबादको नरेन्द्र मोदी स्टेडियममा हुनेछ । खेल नेपाली समय अनुसार साँझ ७ः३० बजे शुरु हुनेछ भने टस त्यसको आधा घण्टा अगाडि अर्थात् साँझ ७ बजे हुनेछ ।

लिग राउण्ड र प्लेअफसहित फाइनल अघि एक मात्र खेल वर्षाका कारण रद्द भएको थियो। त्यो खेल चेन्नई र लखनउबीच एकना स्टेडियममा भएको थियो ।

यो सिजन अहमदाबादमा नै चेन्नई र गुजरातबीचको खेलबाट सुरु भएको थियो र सोही खेलबाट समाप्त हुँदैछ। आईपीएलको इतिहासमा पनि यो पहिलो पटक भएको हो । अब कुन टोलीले जित हात पार्छ त्यो भने हेर्न बाँकी रहेको छ । तर आजलाई राखिएको रिजर्भ डेको दिन पनि पानी पर्यो भने के हुन्छ त ?

पछिल्ला केही दिनहरूमा भारतका अधिकांश भागहरूमा पानी परेको छ र यसलेआईपीएलको सबैभन्दा महत्त्वपूर्ण खेललाई असर गरिरहेको छ। वेदरको रिपोर्ट अनुसार अहमदाबादमा आइतबार साँझ पानी पर्ने सम्भावना थियो। आइतबार साँझ ४० प्रतिशत पानी पर्ने सम्भावना रहेको थियो र वर्षाका कारण खेल हुन सकेको थिएन ।

अहमदाबादको आजको मौसम कस्तो छ ?

सोमबार पनि पानी पर्ने सम्भावना छ । रिपोर्ट अनुसार सोमबार साँझ ४ बजे देखि ६ बजेसम्म वर्षाको सम्भावना छ। सोमबारको अवस्था कस्तो हुन्छ त्यो हेर्न बाँकी छ । प्रतिवेदन अनुसार अपराह्न ४ बजेदेखि ६ बजेसम्म ४० देखि ५० प्रतिशतसम्म वर्षा हुने अनुमान गरिएको छ । साँझ ७ बजेदेखि आकाश सफा रहने अनुमान गरिएको छ ।

कट अफ समय 

खेल पूरा गर्न थप १२० मिनेट वा दुई घण्टा उपलब्ध हुनेछ। यदि पानी पर्यो भने, अम्पायरहरूले पूरा खेल सञ्चालन गर्न केही घण्टा पर्खन्छन्। आइतबार पनि २०–२० ओभरको खेलको कटअफ समय राति ९स्३५ थियो। यसपछि ओभर कट सुरु हुने थियो। कम्तिमा पाँच ओभरको खेलको लागि कटअफ समय १२ २६ बजे तोकिएको थियो। अर्थात्, त्यतिबेलासम्म अम्पायरहरूले कम्तिमा पाँच ओभरको खेल पर्खिसकेका हुन्छन् ।

खेल वर्षाले अवरुद्ध भयो भने के हुन्छ ?

यदि कुनै टोलीले पहिलो इनिङ्समा आफ्नो सबै ओभर खेल्यो भने अर्को टोलीले पनि डकवर्थ लुइस नियम अनुसार खेलको निर्णय लिन पाँच ओभर खेल्नुपर्नेछ। यदि अर्को टोलीले पाँच ओभर खेलिसकेपछि खेल वर्षाले रद्द भयो भने, विजेता निर्णय गर्न डकवर्थ लुइस विधि प्रयोग गरिनेछ। यदि कुनै कारणवश दुबै वा कुनै एक टोलीले पाँच ओभर खेल्न नसके र कट अफ टाइम पार गरेपछि पानी रोकिएमा निश्चित नियमहरू लागू हुनेछन्।

पहिलो दिन सुपर ओभरको नियम थिएन तर रिजर्भ दिवसमा पनि सुपर ओभरको नियम थपिने छ । पाँच ओभरको खेल नभए पनि दुबै टोलीले सुपर ओभर खेल्नेछ र सुपर ओभरमा कुन टोली च्याम्पियन हुने भन्ने टुंगो लाग्नेछ । आज पाँच ओभरको खेल बाहेक सुपर ओभरको पनि कटअफ टाइम हुनेछ । आज पनि वर्षाका कारण खेल हुन नसके लिग चरणको अंक तालिकाको शीर्ष स्थानमा रहेको टोलीलाई विजेता मानिनेछ ।

लिग चरणको अन्त्यमा, गुजरात २० अंकका साथ शीर्ष स्थानमा छ भने चेन्नई १७ अंकसहित दोस्रो स्थानमा छ। आज पनि वर्षाका कारण खेल खेल्न सकेन भने गुजरात टाइटन्सको टोली च्याम्पियन बन्नेछ ।

आइतबार के भयो ?

राखिएको कट अफ समय अघि वर्षा रोकियो। तर, वर्षा यति तीव्र थियो कि खेल मैदानमा पानी भरिएको थियो । यस्तो अवस्थामा ग्राउन्ड स्टाफ र सुपर(सोपर्सले पिच सुख्खा गर्न निकै मिहिनेत गर्नुपर्‍यो र धेरै समय लाग्यो। अम्पायरहरूले मैदानका कर्मचारीलाई पिचलाई प्लेिङ कन्डिसनमा ल्याउन एक घण्टा लाग्ने बताएका थिए । कटअफ टाइम राति १२ः०६ थियो र त्यसअघि ११ बजे वर्षा रोकिएको थियो । तर, फाइनलजस्तो ठूलो खेल पाँच ओभरमा समाप्त गर्ने जोखिम कुनै पनि टोलीले लिन चाहेनन् । त्यसै कारण खेल भोलिपल्ट अर्थात आजका लागि सारिएको हो ।