अर्जेन्टिनी स्ट्राइकर हिगुइन चेल्सीमा अनुबन्ध

एजेन्सी । अर्जेन्टिनी स्ट्राइकर गोन्जाले हिगुइन इंग्लिस क्लब चेल्सीमा आवद्ध भएका छन् । 

उनी इटालियन क्लब युभेन्ट्सबाट चेल्सीमा लोनमा अनुबन्ध भएका हुन् । अब हिगुइन आगामी ६ महिनासम्म चेल्सीमा रहने छन् ।  युभेन्ट्सले चेल्सीलाई ३६ मिलियन युरोमा हिगुइनलाई लामो समयका लागि अनुबन्ध गर्ने विकल्प समेत दिएको छ ।

तर, हालका लागि चेल्सीले उनलाई केही समयको लागि मात्र क्लबमा आवद्ध गराएका हुन् । क्रिस्टियानो रोनाल्डो युभेन्ट्समा आवद्ध भएसँगै हिगुइन लोनमा एसि मिलानमा अनुबन्ध भएका थिए । एसि मिलानमा रहँदा उनले २२ खेलमा ८ गोल गरेका छन् ।

३१ वर्षिय हिगुइनले चेल्सीको जर्सी लगाएर खेल्न पाउँदा खुशी लागेको प्रतिक्रिया समेत दिएका छन् ।