अमेरिकी विमानको नजिकैबाट उड्यो चीनीयाँ फाइटर जेट

काठमाडौं । अमेरिका–चीन सम्बन्ध झनै तनावपूर्ण बन्दै गएको छ । एक चिनियाँ लडाकु विमानले अन्तर्राष्ट्रिय हवाई क्षेत्रमा दक्षिण चीन सागरमा उडीरहेको अमेरिकी सैन्य विमानको नजिक अनावश्यक रूपमा आक्रामक युद्धाभ्यास गरेको छ।

यो भिडियो हेर्नुहोस् : 

 https://twitter.com/INDOPACOM/status/1663628853800239104

यो घटनाको भिडियो सामाजिक सञ्जालमा भाइरल भइरहेको छ । भिडियोमा चिनियाँ लडाकु जेट अमेरिकी विमानको अगाडिबाट गुज्रिएको देखिन्छ । वाशिंगटनमा रहेको चिनियाँ दूतावासले घटनाको प्रतिक्रिया दिएको छैन। चीनले अमेरिकालाई दक्षिण चीन सागरमा जहाज र विमान पठाउनु शान्तिका लागि राम्रो नहुने धम्की दिएको छ ।

घटना डिसेम्बरमा पनि भएको थियो

यो घटना पहिलो पटक भने होइन । डिसेम्बरमा, एक चिनियाँ सैन्य विमान अमेरिकी वायुसेनाको विमानको १० फिट मात्रै नजिक आएको थियो । अमेरिकाले यसलाई चिनियाँ सैन्य विमानको ‘खतरनाक व्यवहार’ को प्रवृत्ति भनेको थियो ।