बैकिङ प्रणालीमा २२ करोड रुपैयाँ संस्थागत निक्षेप राखिने

काठमाडौं । नेपाल राष्ट्र बैकले संस्थागत निक्षेप लगानीको लागि प्रस्ताव आव्हान गरेको छ ।

राष्ट्र बैंकका अनुसार बिभिन्न कोषमा रहेको २२ करोड दुई लाख रुपैंयाँ बैंक तथा फाईनान्स कम्पनीहरुमा राख्नको लागि प्रस्ताव आव्हान गरिएको हो । रकम लगानीको अवधि तीन सय ६६ दिन अर्थात २०८० असार एक गते देखि २०८१ असार एक गतेसम्म तोकिएको छ ।

राष्ट्र बैंकका अनुसार यसरी मुुद्धती निक्षेपकोरुपमा राखिने कुुल रकम मध्येमा बाँणिज्य बैकहरुको लागि १७ करोड ६२ लाख, बिकास बैंकहरुको लागि तीन करोड ३० लाख र फाईनान्स कम्पनीहरुको लागि एक करोड १० लाख रुपैयाँ तोकिएको छ । रकम लगानी गर्न चाहाने इच्छुुक तथा फाईनान्स कम्पनीहरुले यही जेठ २१ गतेसम्म नेपाल राष्ट्र बैंकमा आफुुले लगानी गर्न चाहेको रकम र उक्त रकममा दिन चाहेको व्याज समेत उल्लेख गरेर बोलकबोल पेस गर्नुपर्ने छ ।

राष्ट्र बैंकका अनुसार रकम लगानीको लागि प्रस्ताव पेस गर्ने बैंक तथा फाईनान्स कम्पनीहरु सञ्चालनमा आएको कम्तीमा दुई बर्ष पुरा गरेको, तोकिएको न्यूनतम पूँजीकोष कायम रहेको, निष्कृय कर्जा (एन.पी.ए) कुल कर्जा सापटको पाँच प्रतिशत भन्दा कम भएको खुद तरल सम्पत्ति स्वदेशी निक्षेपको कम्तिमा २० प्रतिशत वा सो भन्दा बढी रहेको हुनुपर्ने लगायतका न्युनतम शर्तहरु तोकिएका छन् ।