काठमाडौं । नेपाल र संयुक्त अरब इमिरेट्सविरुद्धको पहिलो एकदिवसीय क्रिकेटको खेल जारी छ ।
यी दुई टिमबीचको खेल दुबईस्थित आईसिसीको क्रिकेट एकेडेमीमा भइरहेको छ । नेपालले टर हारेर पहिले ब्याटिङ गरिरहेको छ । हामीले यो समाचार तयार पार्दासम्म नेपालले चार विकेट गुमाइसकेको छ ।
जारी खेलमा खराब प्रर्दशन गरेको नेपालका ओपनर ब्याट्सम्यान तथा उपकप्तान ज्ञानेन्द्र मल्ल शुन्य रनमा आउट भए । उनलाई गुलाम शाबेरले क्याच आउट गरे । त्यस्तै अर्का ओपनर ब्याट्सम्यान बिनोद भण्डारीलाई पनि शाबेरले क्याच आउट गर्दै पेभेलियनमा फर्काए । उनले १४ बलमा मात्र ५ रन बनाए ।
कप्तान पारस खड्का रन बनाएर आउट भए । ३६ बलमा ३ चौका प्रहार गर्दै २० रन जोडेका उनी अमिर हायातले क्याच आउट गरे ।
पाँचौ नम्बरमा ब्याटिङमा आएका दिपेश सिंह ऐरीलाई फहाद नवाजले रन आउट गरे ।
यो खबर पढेर तपाईलाई कस्तो महसुस भयो ?
प्रतिक्रिया