एक खेल अगावै चर्च ब्वाइजले जित्यो ए डिभिजन लिग फुटबलको उपाधि

काठमाडौं । चर्च ब्वाइज युनाईटेड क्लबले सहिद स्मारक ‘ए’ डिभिजन लिग फुटबलको उपाधि हात पारेको छ ।

त्रिपुरेश्वरस्थित दशरथ रंगशालामा मंगलबार थ्री स्टार क्लबसँग बराबरी खेलेसँगै चर्च ब्वाइज लिगको एक खेल बाँकी रहदै च्याम्पियन बनेको हो ।

चर्च ब्वाइजलाई उपाधि जित्न एक अंकको आवश्यकता थियो । आज भएको खेलमा थ्री स्टारसँग गोलरहित बराबरी खेलेसँगै चर्च ब्वाइजले एक अंक पाएको हो ।

थ्री स्टारसँग बराबरीमा रोकिएपनि चर्च ब्वाइज च्याम्पियन बनेको हो । चर्च ब्वाइजले ए डिभिजन लिगमा बढुवा भएकै सिजन ए डिभिजन लिगको उपाधि जितेको हो ।

चर्च ब्वाइज २५ खेलमा ४५ अंक जोडेर शीर्ष स्थानमा रहेको छ । चर्च दोस्रो स्थानको मछिन्द्र भन्दा ६ अंकले अघि रहेको छ । मछिन्द्रले २४ खेलमा ३९ अंक जोडेको छ ।

थ्री स्टार २५ खेलमा २८ अंक जोडेर १२ औं स्थानमा रहेको छ ।