चेल्सी एफए कप फुटबलको पाँचौ चरणमा प्रवेश, टोट्नह्याम बाहिरियो

एजेन्सी । चेल्सी जारी एफए कप फुटबल प्रतियोगिताको पाँचौ चरणमा प्रवेश गरेको छ । 

घरेलु मैदान स्टामफोर्ड ब्रिजमा आइतबार राति सम्पन्न भएको चौथो चरणको खेलमा चेल्सीले सेफिल्ड वेनस्डेलाई ३-० गोल अन्तरले पराजित गर्दै अघिल्लो चरणको यात्रा तय गरेको हो । चेल्सीलाई जित दिलाउन विलियनले दुई गोल गरे ।

उनले खेलको २६ औँ र ८३ औँ मिनेटमा गोल गरे । त्यस्तै बाँकी एक गोल भने कालुम हुड्सन ओडोईले खेलको ६४ औँ मिनेटमा गरेका थिए । 

त्यस्तै आइतवार राति नै भएको अर्को खेलमा टोट्नह्याम भने क्रिस्टल प्यालेससँग २-० गोल अन्तरले पराजित भएको छ । यो हारसँगै टोट्नह्याम भने प्रतियोगिताबाट बाहिरिएको छ ।