काठमाडौं । नेपाली राष्ट्रिय पुरुष बास्केटबल टोली माल्दिभ्स प्रस्थान गरेका छन् । माल्दिभ्समा हुने फाइभ नेसन्स पुरुष बास्केटबल च्याम्पियनसिप सहभागी हुने नेपाली टोलीलाई आज सोमबार माल्दिभ्स प्रस्थान गरेका हुन् ।
सदिश प्रधानको कप्तानीमा १२ खेलाडी सहितको १६ सदस्यीय टोली माल्दिभ्स गएको हो ।
सोमबार राष्ट्रिय खेलकुद परिषद्का सदस्य–सचिव टंकलाल घिसिङले सफलताको शुभकामना दिदै एक कार्यक्रमबीच बिदाइ गरेका थिए ।
जुन १४ देखि जुन २२ तारिखसम्म हुने प्रतियोगितामा नेपालसहित माल्दिभ्स, बंगलादेश, भुटान र पाकिस्तानले राउन्ड रोविन लिगका आधारमा प्रतिस्पर्धा गर्ने छन् ।
यो खबर पढेर तपाईलाई कस्तो महसुस भयो ?
प्रतिक्रिया