काठमाडौं । फाइभ नेसन्स पुरुष बास्केटबल च्याम्पियनसिपमा आज (आइतबार) नेपालले माल्दिभ्सको सामना गर्दैछ ।माल्दिभ्समा हुने लिग चरणको अन्तिम खेल नेपाली समय अनुसार राती ९:१५ मा शुरु हुनेछ ।
नेपाल लगातार तेस्रो जितको खोजीमा रहेको छ । पहिलो खेलमा भुटानसँग पराजित नेपालले दोस्रो खेलमा पाकिस्तानलाई हराएको थियो । तेस्रो खेलमा नेपालले बंगलादेशलाई पराजित गरेको थियो ।
दुई खेलमा जित दर्ता गरेको नेपालले एक खेल अगावै सेमिफाइनलमा स्थान बनाईसकेको छ । जुन २२ तारिखसम्म हुने प्रतियोगितामा नेपालसहित दक्षिण एसियाका पाँच राष्ट्रको सहभागीता रहेको छ ।
प्रतियोगितामा नेपाल सहित माल्दिभ्स, बंगलादेश, भुटान र पाकिस्तानले राउन्ड रोविन लिगका आधारमा प्रतिस्पर्धा गर्ने छन् ।
यो खबर पढेर तपाईलाई कस्तो महसुस भयो ?
प्रतिक्रिया