रियल म्याड्रिड कोपा डेल रे फुटबलको अन्तिम चारमा

एजेन्सी । रियल म्याड्रिड जारी कोपा डेल रे फुटबल प्रतियोगिताको सेमिफाइनलमा प्रवेश गरेको छ । 

बिहीवार राति सम्पन्न भएको क्वाटरफाइनलको दोस्रो लेगको खेलमा रियल म्याड्रिडले जिरोनालाई ३-१ गोल अन्तरले पराजित गर्दै अन्तिम चारको स्थान तय गरेको हो । समग्रमा म्याड्रिडले जिरोनालाई ७-३ गोल अन्तरले हराउँदै अघिल्लो चरणमा पुगेको हो ।

रियल म्याड्रिडको जीतमा करिम बेन्जामाले दुई तथा मार्कुस लोरन्टले एक गोल गरे । यता जिरोनाका लागि पेड्रो पोर्रोले एक मात्र गोल फर्काएका थिए ।

यसअघि भएको क्वाटरफाइनलको पहिलो लेगको खेलमा रियल म्याड्रिडले जिरोनालाई ४-२ गोल अन्तरले पराजित गरेको थियो ।