काठमाडौं । आईसीसी एकदिवसीय विश्वकप छनोट अन्तर्गत आज शनिबार नेपालले नेदरल्यान्ड्सको सामना गर्दैछ ।टाकासिंगा स्पोर्टस् क्लबमा हुने नेदरल्यान्ड्स र नेपालबीचको खेल नेपाली समय अनुसार दिउँसो पौने १ बाट शुरु हुदैछ ।
सुपर सिक्समा पुग्न नेपालले नेदरल्यान्ड्सलाई पराजित गर्नुपर्ने दवाबमा नेपाल रहेको छ अन्तिम खेलमा नेदरल्यान्ड्सले सोमबार वेस्ट इन्डिजसँग पनि हार्नुपर्ने हुन्छ ।
यदि नेपाल आज पराजित भएको खण्डमा समूह चरणबाटै बाहिरिने पक्का छ ।
नेपाल पहिलो खेलमा जिम्बावेसँग ८ विकेटले पराजित भएको थियो । दोस्रो खेलमा अमेरिकालाई ६ विकेटले हराएको थियो । नेपालले तेस्रो खेलमा वेस्टइन्डिजसँग १ सय १ रनको फराकिलो हार व्येहोर्न पुगेको थियो ।
नेदरल्यान्ड्स जिम्बावेसँग ६ विकेटले पराजित भएको थियो । नेदरल्यान्ड्सले अमेरिकालाई ५ विकेटले पराजित गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया