काठमाडौं । आईसीसी विश्वकप छनोट अन्तरगत समूह चरणको अन्तिम खेलमा हाल नेपालले नेदरल्यान्ड्सविरुद्ध ब्याटिङ गरिरहेको छ ।
नेदरल्यान्ड्सविरुद्ध ब्याटिङ गरिरहेको नेपालले तीन विकेट गुमाएको छ ।
तेस्रो विकेटमा रुपमा नेपालका आरिफ शेख आउट भए । उनले ४ बलमा ६ रन जोडे । यस अघि कुशल भुर्तेल १५.५ ओभरमा २७ रन जोडेर आउट भए ।
नेदरल्यान्ड्सविरुद्धको खेल जित्नै पर्ने दबाबमा रहेको छ । यदि नेपाल आज पराजित भएको खण्डमा समूह चरणबाटै बाहिरिने पक्का छ ।
नेपाल पहिलो खेलमा जिम्बावेसँग ८ विकेटले पराजित भएको थियो । दोस्रो खेलमा अमेरिकालाई ६ विकेटले हराएको थियो । नेपालले तेस्रो खेलमा वेस्टइन्डिजसँग १ सय १ रनको फराकिलो हार व्येहोर्न पुगेको थियो ।
नेदरल्यान्ड्स जिम्बावेसँग ६ विकेटले पराजित भएको थियो । नेदरल्यान्ड्सले अमेरिकालाई ५ विकेटले पराजित गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया