आहा रारा गोल्ड कपलाई हिमाको साथ

पोखरा । यही फागुन ९ गतेबाट पोखरामा शुरु हुने आहा रारा गोल्ड कप फुटबल प्रतियोगितालाई हिमा अस एजुकेशन कन्सल्टेनसीले प्रायोजन गर्ने भएको छ । 

प्रायोजन सम्बन्धी हिमा असका कार्यकारी निर्देशक राजमान थकाली र आहा रारा गोल्ड कप फुटबल प्रतियोगिताको आयोजक संस्था सहारा क्लबका अध्यक्ष केशवबहादुर थापाले सो सम्बन्धी सम्झौतापत्रमा सोमवार हस्ताक्षर गरेका थिए । 

आहा रारा गोल्डकपको दोस्रो पुरस्कारको राशि चार लाख एक हजार रहेको छ । उक्त सम्झौता आगामी तीन वर्षका लागि गरिएको हिमा असका कार्यकारी निर्देशक एवं सहारा अष्ट्रेलियाका अध्यक्ष थकालीले जानकारी दिए । 

कार्यक्रममा सहारा क्लबका अध्यक्ष थापाले आहा रारा गोल्डकपमा सहयोग गरेकोमा कन्सल्टेन्सीप्रति आभार व्यक्त गर्दै प्रतियोगितालाई सफल बनाउन सबैको साथ सहयोग आवश्यक हुने बताए । सहारा क्लबले उक्त प्रतियोगिताको बचत रकमबाट सहारा एकेडेमीमा आश्रित २८ बालकलाई भरण पोषण, शिक्षा र फुटबल प्रशिक्षण दिँदै आएको छ ।