नरेन भट्टको शतकमा मलेसियालाई नेपालले दियो २५३ रनको लक्ष्य

काठमाडौं । मलेसियामा जारी एसीसी यू-१६ इस्ट जोन कपको फाइनल खेलमा नेपालले मलेसियालाई उपाधी जित्न २ सय ५३ रनको लक्ष्य दिएको छ ।

मलेसियाको बायोमास ओभल क्रिकेट मैदानमा टस जितेर पहिले ब्याटिङ गरेको नेपापालले निर्धारित ३५ ओभरमा ८ विकेट गुमाएर २ सय ५२ रन बनायो ।

नेपालका लागि नरेन भट्टले १ सय १२ रनको शतकीय ईनिङ खेले । निरज यादवले ४७ रन बनाए । सुर्यांशु कोईरालाले २३ बलमा १८ रन बनाए ।

सन्तोष यादवले २६ रन बनाए । अशोक धामीले १२ रन बनाए ।

मलेसियाका लागि मुहम्मद अक्रमले ३ तथा अरेन अकील र मुहम्मद फदुलले समान १-१ विकेट लिए ।