काठमाडौं । भारतीय स्टार कंगना रनौतलाई सिनेमाको बोल्ड अभिनेत्रीको रुपमा चिनिन्छ । उनी आफ्नो स्पष्ट अभिव्यक्तिका लागि पनि चिनिन्छिन् । नायिकाले देशमा भइरहेका महत्वपूर्ण विषयमा पनि आफ्नो धारणा राखेकी छिन् । कहिले आलोचना त कहिल अभिनयका कारण उनी चर्चामा रहिरहन्छिन् ।
हालै कंगना रनौतको फिल्म टिकु वेड्स शेरु रिलिज भएको छ । यस फिल्ममा उनी अवनीत कौर र नवाजुद्दीन सिद्दीकी सँगै देखिएका थिइन् ।
यद्यपि फिल्मले खासै कमाइ भने गर्न सकेन । हालै उनको आगामी फिल्म तेजसको नयाँ लुक सार्वजनिक भएको छ । यसका साथै फिल्मको रिलिज मिति पनि तय भएको छ ।
फिल्म तेजस अक्टोबर २० मा थिएटरमा रिलिज हुनेछ । फिल्म रोनी स्क्रूवालाको प्रोडक्सन हाउस आरएसभीपीको ब्यानरमा निर्माण भइरहेको छ । यसलाई सर्वेश मेवाडाले निर्देशन गरेका हुन् । फिल्ममा कंगना मुख्य भूमिकामा छिन् र एयरफोर्स पाइलटको भूमिकामा देखिनेछिन् । घोषणा भएदेखि नै यो चलचित्रले प्रेमीहरूमाझ ठूलो चर्चा र उत्साह सिर्जना गरेको छ।
कंगनाले ट्वीटरमा फिल्मका तस्बिर शेयर गरेकी छिन् । तस्बिरमा उनी वायुसेना पाइलटको रुपमा देखिएकी छिन् ।
यो खबर पढेर तपाईलाई कस्तो महसुस भयो ?
प्रतिक्रिया