काठमाडौं । तेस्रो संस्करणको धनगढी प्रिमियर लिग ‘डिपिएल’ क्रिकेटको विजेताले ३० लाख रुपैयाँ पाउने भएको छ ।
यस पटकको ‘डिपिएल’ क्रिकेटमा पुरस्कार राशी थप गरिएको हो । दोस्रो संस्करणमा यो प्रतियोगिताको पुरराशी २५ लाख थियो । तर, यस पटक पुरस्कार राशीमा ५ लाख वृद्धि गर्दै ३० लाख पु-याइएको हो ।
त्यस्तै उपविजेता हुने टिमले भने १२ लाख रुपैयाँ पाउने भएको छ । गत वर्ष भने उपविजेतालाई १० लाख रुपैयाँ प्रदान गरिएको थियो ।
६ टिमको सहभागिता रहने यो प्रतियोगिता यहि माघ २६ गतेबाट शुरु हुँदैछ । प्रतियोगिताको खेलहरु धनगढीस्थित फाप्ला क्रिकेट मैदानमा हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया