गायक तथा अभिनेता तामाङको अन्त्येष्टि आज गरिँदै

काठमाडौं । निकै रुचाईएका स्टेज गायक तथा अभिनेता रोबिन तामाङको अन्त्येष्टि आज गरिँदै छ ।

गत मंगलबार आफ्नै घरमा मृत भेटिएका ६० वर्षीय तामाङको उनकै परम्परा अनुसार स्वयम्भूमा अन्तिम संस्कार गरिने भएको छ ।

अन्तिम संस्कार अघि स्टेन पर्फमेन्सकमा निकै रुचाइएका पात्र रोबिनको पार्थिव शरीरलाई श्रद्धाञ्जलीका लागि आज बिहान नक्शालस्थित संगीत तथा नाट्य एकेडेमी नक्शालमा राखिने छ ।

मंगलबार बेलुका आफनै निवास बुढानीलकण्ठ स्थित चिसेनीमा मृत भेटिएका थिए ।प्रहरीको प्रारम्भिक अनुसन्धान र पोस्टमार्टम रिपोर्टमा उनको मृत्यु मुटुको समस्याले गर्दा भएको हुन सक्ने बताईएको छ ।

रविन एण्ड द न्यु रिभोलुसनका गायक समेत रहेका स्टेज पर्फमेन्समा रमाउने तामाङले आफ्नो कला मार्फत नेपाली रक गायन क्षेत्रलाई पु¥याएको योगदान महत्वपूर्ण रहेको छ ।