दुर्घटनागस्त विमानबाट फेला पारेको शव सालाको रहेको पुष्टि

एजेन्सी । डोर्सेट प्रहरीका अनुसार दुर्घटनागस्त विमानबाट फेला पारेको शव कार्डिफ सिटीका एमिलियानोका सालाको रहेको बताएको छ । 

२८ वर्षिय साला चढेको विमान गत जनवरी २१ तारिखदेखि इंग्लिस च्यानलबाट सम्पर्कविहिन भएको थियो । उनीसँगै विमान चालक डेभिड इब्बोटसन कार्डिफ आउँदै गर्दा विमान सम्पर्क विहिन भएको बताइएको छ ।

प्रहरीले बताए अनुसार सालाको शव गत बुधवार मात्रै फेला पारेको हो । बिहीवार राति मात्र प्रहरीले फेला पारेको उक्त शव सालाको रहेको पुष्टि गरेको हो । 

अनुसन्धानमा संलग्न अधिकारीले भने, ‘भेटिएको उक्त शवलाई पोर्टल्याण्ड पोर्टमा परिक्षणका लागि ल्याइएको थियो, पछि उक्त शव साला कै भएको पुष्टि गरेको हो ।’

त्यस्तै सालाको पुर्व क्लब नान्टेसले इंग्लिस क्लब कार्डिफ सिटीलाई १५ मिलियन रकम भुक्तान गर्न समेत माग गरेको छ ।