काठमाडौं । धनगढी प्रिमियर लिग ‘डिपिएल’ क्रिकेट अन्तर्गत भोली ‘शनिवार’ हुने खेल स्थगित भएको छ ।
बिहीवारदेखि लगातार वर्षाभएपछि शनिवार हुने भनिएको उद्घाटन खेल प्रभावित भएको जनाएको हो । पश्चिमी बायुका कारण परेको अविरल वर्षाका काराण् क्रिकेट मैदान र पिच भिजेकाले पहिलो दिनको खेल सञ्चालन गर्न नसकिने आयोजक सुवास शाहीले जानकारी दिएका हुन् ।
धनगढीको बोडाडाडीस्थित फाप्ला मैदानमा हुने भनिएको ‘डिपिएल’ क्रिकेट प्रतियोगिताको ट्रफी शुक्रवार सार्वजनिक समेत गरेको छ । प्रतियोगिताका सद्भावना दुत जोन्टी रोड्स र धनगढी क्रिकेट एकेडेमीका अध्यक्ष सुवास शाहीले संयुक्त रुपमा प्रतियोगिताको ट्रफी सार्वजनीक गरेका हुन् ।
यता स्थगित भएको खेल आइतवारदेखि शुरु हुनेछ । उद्घाटन खेलमा विराटनगरले धनगढीले प्रतिस्पर्धा गर्दैछ ।
यो प्रतियोगिताको विजेताले ३० लाख रुपैयाँ प्राप्त गर्नेछन् । त्यस्तै उपविजेताले १२ लाख, तेस्रो हुनेले ४ लाख तथा चौथो हुने टिमले २ लाख रुपैयाँ पाउने छन् ।
यो खबर पढेर तपाईलाई कस्तो महसुस भयो ?
प्रतिक्रिया