काठमाडौं । थाइल्याण्डमा हुने आईसीसी बुमन्स एसियन छनोट क्रिकेट खेल्ने नेपाली महिला क्रिकेट टोली आज (शनिवार) बैंकक जाँदैछ । रुबिना क्षेत्री कमानीको १४ सदस्यीय नेपाली महिला टोली दिउँसो २ बजे त्यसतर्फ जान लागेको हो ।
६ राष्ट्रले प्रतिस्पर्धा गर्ने आईसीसी बुमन्स एसियन छनोट क्रिकेटको पहिलो खेलमा नेपालले मंगलवार मलेसियासँग प्रतिस्पर्धा गर्नेछ । यसैगरी दोस्रो खेलमा नेपालले नेपाली मितिअनुसार ९ गते आयोजक राष्ट्र थाइल्याण्डसँग प्रतिस्पर्धा गर्नेछ ।
त्यस्तै १० गते युएई, १२ गते हङकङ, १३ गते चीन र समुहचरणको अन्तिम खेलमा १५ गते कुबेतसँग नेपालले प्रतिस्पर्धा गर्नेछ ।
समूह चरणमा प्रथम हुने टिमले सन् २०२०मा अष्ट्रेलियामा हुने आईसीसी टी–२० महिला विश्वकपमा सहभागी हुने अवसर पाउने छ ।
यो खबर पढेर तपाईलाई कस्तो महसुस भयो ?
प्रतिक्रिया