काठमाडौं । विकास बैंकहरुको नाफामा अर्थतन्त्रमा देखिएको आर्थिक मन्दीको असर देखिएको छ । आर्थिक मन्दी कै कारण बैंकहरुको निक्षेप तथा कर्जा प्रवाह दुबैमा संकुचन आउँदा यसको असर बैंकहरुको खुद मुनाफामा देखिएको हो ।
क्षेत्रिय र राष्ट्रियस्तरका गरी कुल १७ वटा विकास बैंकहरुमा सञ्चालनमा रहेकोमा हालसम्म १४ वटा बैंकहरुले आर्थिक बर्ष २०७९-०८० को अपरिष्कृत वित्तीय विवरण सार्वजनिक गरेकोमा आधा दर्जन भन्दा बढी बिकास बैंकहरुको खुद मुनाफा घट्नुले पनि विकास बैंकहरुको नाफामा आर्थिक मन्दीको असर परेको देखिएको हो ।
वित्तीय विवरण सार्वजनिक गरेका मध्ये मुक्तिनाथ विकास बैंक, गरिमा विकास बैंक, शाईन रेसुंगा डेभलपमेन्ट बैंक, मितेरी डेभलपमेन्ट बैंक र कर्णाली डेभलपमेन्ट बैंकको नाफा अघिल्लो आवको तुलनामा सामान्यरुपमा बढेको देखिए पनि लुम्बिनी विकास बैंक, ज्योति विकास बैंक, महालक्ष्मी विकास बैंक, कामना सेवा विकास बैंक, साँग्रिला डेभलपमेन्ट बैंक, ग्रिन डेभलपमेन्ट बैंक, सिन्धु विकास बैंक र कर्पोरेट डेभलपमेन्ट बैंकको नाफा घटेको छ । यस अवधिमा नारायणी डेभलपमेन्ट बैंक भने खुद नोक्सानीमा देखिएको छ ।
विकास बैंकहरु मध्येमा सबैभन्दा बढी नाफा भने मुक्तिनाथ विकास बैंकले कमाएको छ । मुक्तिनाथले आव २०७९–०८० मा एक अर्ब ३६ करोड ३८ लाख ६७ हजार रुपैंयाँ खुद मुनाफा कमाएको छ । अघिल्लो आवमा मुक्तिनाथको यस्तो नाफा एक अर्ब ३४ करोड १८ लाख पाँच हजार रुपैंयाँ रहेको थियो । विकास बैंकहरु मध्येमा बढी नाफा कमाउने दोस्रो ठुलो बैंककोरुपमा गरिमा विकास बैंक परेको छ । यो बैंकले आव २०७९–०८० मा एक अर्ब २१ करोड २७ लाख ७२ हजार रुपैंयाँ खुद मुनाफा कमाएको छ । अघिल्लो आवमा गरिमाको यस्तो नाफा ८९ करोड चार लाख ५७ हजार रुपैंयाँ रहेको थियो । शाईन रेसुंगा, लुम्बिनी, ज्योति र महालक्ष्मी बिकास बैंकले भने आव २०७९–०८० मा क्रमश: ६८ करोड ६८ लाख २६ हजार, ६१ करोड २४ लाख ८२ हजार, ५५ करानेड ३२ लाख एक हजार र ४७ करोड नौं लाख ६२ हजार रुपैंयाँ खुद मुनाफा कमाएका छन् । अघिल्लो आवमा यि बैंकहरुको यस्तो नाफा क्रमशः ६४ करोड ८७ लाख सात हजार, ६३ करोड ७१ लाख ९३ हजार, ६७ करोड एक लाख र ९० करोड ४७ लाख ९६ हजार रुपैंयाँ रहेको थियो ।
अपरिष्कृत वित्तीय विवरण अनुसार आव २०७९–०८० मा कामना सेवा, साँग्रिला, मितेरी र कर्णालीले भने क्रमश : ४३ करोड ११ लाख ९८ हजार, ३४ करोड ३७ लाख २१ हजार, १६ करोड दुई लाख ९९ हजार र चार करोड ४३ लाख १३ हजार रुपैयाँ खुद मुनाफा कमाएका छन् । अघिल्लो आवमा भने यि बैंकहरुको यस्तो नाफा क्रमशः ५९ करोड ८५ हजार, ५२ करोड ७१ लाख ७३ हजार र तीन करोड ७९ लाख २९ हजार (ऋणात्मक) रहेको थियो । कर्पोरेट, ग्रिन र सिन्धु बिकास बैंकले भने आव २०७९–०८० मा क्रमश : एक करोड ८५ लाख १४ हजार, एक करोड ८४ लाख ८९ हजार र एक करोड ३४ लाख तीन हजार रुपैंयाँ खुद मुनाफा कमाएका छन् । अघिल्लो आवमा भने यि बैंकहरुको यस्तो नाफा क्रमश : ३७ लाख १७ हजार एक करोड ८६ लाख ७५ हजार र चार करोड ६३ लाख रुपैयाँ रहेको थियो ।
नारायणी डेभलपमेन्ट बैंकले भने आव २०७९–०८० दुई करोड ९१ लाख ४२ हजार रुपैंयाँ खुद नोक्सानी बेहोरेको छ । अघिल्लो आवमा उक्त बैंकको यस्तो नोक्सानी छ करोड ४२ लाख ४८ हजार रुपैंयाँ रहेको थियो ।
आर्थिक बर्ष २०७९-०८० मा विकास बैंकहरुले कमाएको नाफा (रकम रु हजारमा)
क्रस बैंकको नाम आव २०७९–०८० आव २०७८–०७९
१ मुक्तिनाथ विकास बैंक १३६३८६७.५२ १३४१८०५.२८
२ गरिमा विकास बैंक १२१२७७२.२८ ८९०४५७.७०
३ शाईन रेसुंगा डेभलपमेन्ट बैंक ६८६८२६.०७ ६४८७०७.२७
४ लुम्बिनी विकास बैंक ६१२४८२.८० ६३७१९३.२६
५ ज्योति विकास बैंक ५५३२०१.१७ ६७०००१.१५
६ महालक्ष्मी विकास बैंक ४७०९६२.७० ९०४७९६.४५
७ कामना सेवा विकास बैंक ४३११९८.७८ ५९००८५.२८
८ साँग्रिला डेभलपमेन्ट बैंक ३४३७२१.९८ ५२७१७३.६६
९ मितेरी डेभलपमेन्ट बैंक १६०२९९.५२ १४७८५३.२९
१० कर्णाली डेभलपमेन्ट बैंक ४४३१३.४७ ३७९२९.३६
११ कर्पोरेट डेभलपमेन्ट बैंक १८५१४.१४ ३७१७.९५
१२ ग्रिन डेभलपमेन्ट बैंक १८४८९.१० १८६७५.०७
१३ सिन्धु विकास बैंक १३४०३.३४ ४६३०००.०१
१४ नारायणी डेभलपमेन्ट बैंक २९१४२.३६ ६४२४८.२१
यो खबर पढेर तपाईलाई कस्तो महसुस भयो ?
प्रतिक्रिया