धादिङ । लोपोन्मुख अवस्थामा रहेको नेपाली पहिचानसहितको डण्डीबियो खेलको धादिङबेसीमा पहिलो पटक प्रतियोगिता आयोजना गरिएको छ ।
धादिङबेसीस्थित खुलामञ्चमा जिल्ला समन्वय समितिको प्रमुख जगन्नाथ नेपालले उक्त प्रतियोगिताको डण्डीले बियो हानेर उद्घाटन गरेका थिए । डण्डीबियो संस्कृति जोगाउन तथा मौलिक खेलका रुपमा विकास गर्न डण्डीबियो सङ्घ र नेपाल स्काउट धादिङले संयुक्त रुपमा आयोजना गरेको हो ।
प्रतियोगितामा जिल्लाका ४१ विद्यालयले भाग लिएका छन् । सो प्रतियोगितामा पहिलो, दोस्रो, तेस्रो र सान्त्वनालाई क्रमशः ५० हजार, ३० हजार, २० हजार र १० हजार पुरस्कार प्रदान गरिने नेपाल स्काउट धादिङका समन्वय आयुक्त शिव सापकोटाले जानकारी दिए ।
यो खबर पढेर तपाईलाई कस्तो महसुस भयो ?
प्रतिक्रिया