‘गदर २’को सफलतापछि सनी देओलले भने- ‘म धेरै खुसी छु’

काठमाडौं । बलिउड अभिनेता सनी देओलको फिल्म ‘गदर २’ हलमा रिलिज भएको छ । २२ वर्ष बितिसक्दा पनि तारा सिंहका लागि फ्यानको मनमा उस्तै क्रेज देखिएको छ ।

फिल्मले रिलिजको दिनमा ४० करोडको ग्रान्ड कलेक्सन गरेको छ । योसँगै दोस्रो दिन पनि फिल्मले टिकट विन्डोमा ४३ करोडको व्यापार गरेको छ भने फिल्मको कुल कलेक्सन ८३ करोड पुगेको छ । अनिल शर्मा निर्देशित यस चलचित्रमा अमिषा पटेल र अभिनेता उत्कर्ष शर्मा पनि महत्वपूर्ण भूमिकामा छन् ।

अन्तर्वार्तामा ‘गदर २’ को सफलताको बारे सनी देओलले मुख खोलेका छन् । उनले भने, ‘म साँच्चै खुसी छु, जब हामीले गदरको सिक्वेल बनायौं, त्यति धेरै माया पाउँछु भन्ने सोचेका थिएनौं। हामीले पहिलो गदर गरेपछि दुई दशक बितिसक्यो र अहिले पनि जनता पहिलो पटक जस्तै उत्तिकै उत्साहित छन् । म आश्चर्यचकित छु र धेरै खुसी छु।’