अमेरिकामा फेरी चल्यो गोली : १ जनाको मृत्यु, छ जना घाइते

काठमाडौं । अमेरिकामा फेरी गोली चलेको छ । यस पटक रक शोमा उपस्थित मानिसहरूमाथि गोली चलेको हो । उक्त गोली काण्डमा एक जनाको मृत्यु भएको छ भने छ जना घाइते भएका थिए ।

प्रहरीले उक्त घटनामा दुई जना रहेको आशंका गरेको छ । यद्यपि यो कुराको पुष्टि भने भएको छैन । अभियुक्तको प्रहरीले खोजी गरिरहेको छ ।

घटना अमेरिकाको मिनियापोलिसको हो । जहाँ शुक्रबार राति सांगीतिक कार्यक्रमका लागि मानिसहरुको भीड जम्मा भएको थियो । यसैबीच भीडमा गोली चलेको थियो ।