आर्जन र केकीको ‘रेलिमाई २’, बाहिरियो यस्तो भिडियो

काठमाडौं । गायक तथा मोडल आर्जन पाण्डेले ‘रेलिमाई २’ लिएर आएका छन् ।

आठ महिना पहिले रिलिज गीत ‘रेलिमाई’को सफलतासँगै आर्जनले ‘रेलिमाई २’ लिएर आएका हुन् । 

गीतको भिडियो आइतवार रिलिज गरिएको छ । रेलिमाई सिक्वेललाई आर्जनले ‘झिमिक्कै परेली’ शिर्षक दिएका छन् । फिमेल भोकलमा मेलिना राईले साथ दिँदा भिडियोमा भने आर्जनले अभिनेत्री केकी अधिकारीसँग जोडी बाँधेका छन् ।

आर्जन र केकी प्रेमीप्रेमिका रहेको दाबीसहित मिडियामा विभिन्न गसिप तथा समाचारहरु आइरहँदा यो पटक दुबै जना एकसाथ भिडियोमा देखिएका छन् । जुनकुराले आर्जन र केकीको सामिप्यतालाई आंकलन गर्नहरुलाई थप बल पुर्याएको छ ।

विशाल भण्डारीले निर्देशन गरेको भिडियोमा सम्पादन प्रविण श्रेष्ठको छ भने छायाँकन अर्जुन तिवारी एण्ड टिमको छ । गीतमा संगीत भने प्रतिक पौडेलले भरेका छन् ।

रेसुभिल्ला आसपासमा खिचिएको गीतको भिडियोलाई निर्देशक भण्डारीले फिल्मी शैलीमा आकर्षक बनाएका छन् ।