काठमाडौं । अख्तियार दुरुपयोग अनुसन्धान आयोग (अदुअआ) का आयुक्त राजनारायण पाठकविरुद्ध अदुअआले अनुसन्धान थालेको छ ।
नेपाल इञ्जिनियरिङ कलेजमा भएको भ्रष्टाचार प्रकरणमा मुछिएपछि आयुक्त पाठकले गत शुक्रवार पदबाट राजीनामा दिएका थिए ।
सहसचिवको नेतृत्वमा तीन सदस्यीय कमिटी गठन गरेर अनुसन्धान शुुरु गरिएको अदुअआका प्रवक्ता रामेश्वर दंगालले जानकारी दिए ।
पठकमाथि औपचारिक अनुसन्धान शुुरु भएको प्रवक्ता दंगालले जानकारी दिए ।
उनले भने ‘पाठकमाथि विस्तृत अनुसन्धान शुरु गरेका छौं ।’
अदुअआले महान्यायाधिवक्ताको कार्यालयसँग राय लिएर अनुसन्धान शुुरु गरेको हो ।
महान्यायाधिवक्ताको कार्यालयले सोमवार पाठकमाथि अदुअआले छानबिन गर्न सक्ने राय दिएको थियो ।
इञ्जिनियरिङ कलेजमा भएको भ्रष्टाचार मिलाइदिने शर्तमा पाठनले ७८ लाख रुपैयाँ घुस लिएको भिडियो सार्वजनिक भएको थियो ।
पाठकले राजीनामा नदिए सत्तारुढ दल नेपाल कम्युनिस्ट पार्टी (नेकपा)ले महाभियोग लगाउने तयारी गरेको थियो । महाभियोग लगाउने तयारी भएपछि गत शुक्रवार पाठकले शितलनिवास पुगेर राष्ट्रपति विद्यादेवी भण्डारी सामु राजीनामा बुझाएका थिए ।
यो खबर पढेर तपाईलाई कस्तो महसुस भयो ?
प्रतिक्रिया