काठमाडौं । एसिया रग्बी यू २० सेभेन्स पुरुष प्रतियोगितामा अन्र्तगत नेपाल भारतसँग फराकिलो स्कोर अन्तरले पराजित भएको छ ।
शनिबार त्रिपुरेश्वरस्थित दशरथ रंगशालामा भएको नेपाल र भारत बीचको पहिलो खेलमा नेपाल २८–० स्कोरको अन्तरले पराजित भयो । निर्धारित १५ मिनेटको समयमा भारतले २८ पोइन्ट स्कोर ल्याउँदा नेपाली खेलाडीले खातै खोल्न सकेनन् ।
एसिया रग्बीको आयोजना र नेपाल रग्बी संघको व्यवस्थापनमा आजबाट प्रतियोगिता सुरु भएको हो ।
एसियन यू २० रग्बी सेभेन्स प्रतियोगिताको पुरुषतर्फ नेपालसहित भारत, थाइल्याण्ड, मलेसिया, चाइनिज ताइपेइ, हङकङ र उज्वेकिस्तानले सहभागी छन् । महिलातर्फ नेपालसहित, थाइल्याण्ड, हङकङ र मलेसियाले प्रतिष्पर्धा गर्नेछन् ।
त्रिपुरेश्वरस्थित दशरथ रंगशालामा खेल आइतबारसम्म सञ्चालन हुनेछ । नेपालमा अन्तर्राष्ट्रिय स्तरको रग्बी प्रतियोगिता आयोजना गरेको यो दोस्रो पटक हो । गत वर्ष एसिया रग्बी यू १८ सेभेन्सको आयोजना पनि नेपालमै गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया