रुसको चन्द्रमा मिसन असफल, लुना-२५ चन्द्रमामा दुर्घटनाग्रस्त

काठमाडौं । रुसको अन्तरिक्ष यान लुना–२५ चन्द्रमामा दुर्घटनाग्रस्त भएको छ । रुसी अन्तरिक्ष एजेन्सी रोस्कोसमोसले लुना–२५ मिसन चन्द्रमामा दुर्घटनाग्रस्त भएको जानकारी दिएको छ ।

एक दिनअघि मात्रै लुना–२५ अन्तरिक्ष यानमा प्राविधिक त्रुटि भएको थियो । यानलाई परिवर्तन गर्दा असामान्य अवस्था आएपछि दुर्घटना भएको हो ।

यसअघि रुसी एजेन्सीले लुना अगस्ट २१ मा चन्द्रमाको सतहमा अवतरण गर्ने बताएको थियो ।