अभिनेता सानु ताम्राकारको पशुपति आर्यघाटमा अन्त्येष्टि

काठमाडौं । स्वर्गीय अभिनेता सानु ताम्राकारको शरीरलाई आइतबार पशुपति आर्यघाटमा अन्त्येष्टि गरिएको छ । उनको पार्थिव शरीरमा चलचित्र कलाकार संघको झण्डा ओढाएर श्रद्धाञ्जली दिइएको हो।

कलाकार संघका पूर्वकार्यवाहक अध्यक्ष समेत रहेका ताम्राकारको श्रद्धाञ्जली र दाहसंस्कारको संयोजन कलाकार संघले गरेको थियो । ताम्राकारको पार्थिव शरिरमा आफन्त, शुभेच्छुक र विभिन्न कलाकारले श्रद्धाञ्जली दिएका छन् ।

चलचित्र विकास बोर्डका अध्यक्ष भुवन केसीसहितका कलाकार आर्यघाटमा उपस्थित थिए ।