प्रतीक्षाको घडी समाप्त भयो, पाकिस्तानसँग जितको शुभकामना : ओली

काठमाडौं । नेकपा एमालेका अध्यक्ष केपी ओलीले एसिया कप क्रिकेटमा नेपाली टोलीलाई पाकिस्तानसँगको म्याचमा जितका लागि शुभकामना दिएका छन् ।

पूर्वप्रधानमन्त्रीसमेत रहेका एमाले अध्यक्ष ओलीले बुधबार समाजिक सञ्जाल मार्फत उत्साहित हुँदै नेपालले लामो समयदेखि विश्वको नम्बर वान क्रिकेट टीम पाकिस्तानसँगको म्याच खेल्ने र जित निकाल्ने प्रतीक्षाको घडी समाप्त भएको बताएका हुन् ।

नेपाली टोलीलाई जितका लागि शुभकामना दिंदै लेखेका छन्, ‘प्रतीक्षाको घडी समाप्त भएको छ । नेपाली टीमले आज पहिलो पटक एसिया कप खेल्दै छ । यसका लागि हामी सबै नेपालीले लामो समयदेखि सपना देखेका थियौं । विश्वको नम्बर वान क्रिकेट टीम पाकिस्तानसँगको म्याचमा जितका लागि शुभकामना !’