एसिया कप उद्घाटन समारोहमा गायिका त्रिशाला गुरुङले प्रस्तुति दिने

काठमाडौं । एसिया कप क्रिकेट आजदेखि पाकिस्तानमा सुरु हुँदैछ । प्रतियोगिताको उद्घाटन खेलमा नेपालले आयोजक पाकिस्तानसँग भिड्दै छ । दुई टोली बीचको खेल नेपाली समय अनुसार दिउँसो ३ः१५ बजे सुरु हुनेछ ।

आज एसिया कप क्रिकेटको उद्घाटन खेल भएकाले खेल सुरु हुनु अघिपाकिस्तानको मुल्तान क्रिकेट रङ्गशालामा प्रतियोगिताको उद्घाटन समारोह हुनेछ । उद्घाटन समारोह नेपाली समयअनुसार, दिउँसो २ः१५ बजे सुरु हुनेछ ।

उद्घाटन समारोहमा नेपाली गायिका त्रिशाला गुरुङ र पाकिस्तानी गायिका आइमा बेगले प्रस्तुति दिने भएका छन् । एसिया कपमा ६ वटा राष्ट्रको सहभागिता रहेको छ ।