युट्युवमा चर्चित बन्दै मेरी आमा

काठमाडौं । निर्मला पन्तले न्याय नपाएको ७ महिना बढी भइसक्यो। यो देशमा अझै पनि हाम्रा चेलीबेटीहरुका अस्मिता लुटिएका खबर संचार माध्यमहरुमा दिनानुदिन आइनैरहेका छन्। 

बलात्कार जस्तो जघन्य अपराधका दोसि लाई कडा भन्दा कडा कारबाही हुन पर्छ भनेर लेख साहित्य, आन्दोलन र  बहस हुँदै आएको छ। दैनिक अखबारका पानाहरुमा छापिने रगतले लतपतिएका हाम्रा चेलीबेटीहरुको खबर सुन्दा कुन चाहिँ नेपालीको मन नरोला र अनि  मनमा आक्रोश उत्पन्न नहोला र?

परदेश अमेरिकामा बसेर पनि घरदेशका बारेमा चिन्ता र चासो राख्ने गीतकार प्रलाद शाहले लेखेको गीत मेरी आमालाई दर्शक सोर्ताले निकै मन पराएका छन्। एकदमै मनछुने शब्द रहेको यस गीतमा लोकप्रीय गायिका मेलीना राईको आवाज रहेको छ भने संगीत नबिन कार्कीको रहेको छ । 

रंगमन्चकी चर्चित कलाकार शान्ती गिरी र ‘नाई न भन्नु ल ५’ बाट डेब्यु गरेकी कलाकार सेड्रिना शर्माले भिडियोमा अभिनय गरेका छन् । अनिल के मानन्धरले खिचेको भिडियोलाई सुप्रिम पराजुलीले सम्पादन गरेका हुन् । विकाश सुवेदीको कथा र कन्स्पेटमा गीतको भिडियो तयार भएको हो।