चेल्सीले गर्‍योे गोलकिपर केपालाई कारवाही

एजेन्सी । इंग्लिस क्लब चेल्सीले आफ्नो गोलरक्षक केपा अरिजाबालागालाई कारवाही गरेको छ । 

काराबओ कप फुटबलको फाइनल खेलको दौरान उनले प्रशिक्षकले दिएको निर्देशन नमानेको भन्दै उनलाई कारवाही गरेको हो । गोलरक्षक केपाले म्यान्चेस्टर सिटीविरुद्ध सब्सिच्युड हुन मानेका थिएनन् । प्रशिक्षक मौरीजिओ सार्रीले उनको स्थानमा विली काबालेरोलाई मैदान प्रवेश गराउन लागेका थिए ।

उनले भने, ‘प्रशिक्षक र मबीच असमझदारी भएको हो, मैले ठुलो गल्ति गरे, अब मैले यो परिस्थितीलाई कसरी सम्हाल्ने ।’ 

केपा मैदानबाट बाहिरिन नमानेपछि प्रशिक्षक सार्री निक्कै आक्रोशित बनेका थिए । उनले भने, ‘उनले म सँग पनि माफी मागि सकेका छन् ।’ उक्त खेलमा चेल्सी सिटीसँग टाइब्रेकरमा ४-३ गोल अन्तरले पराजित भएको थियो ।