एजेन्सी । प्रशिक्षक ब्रेन्डन रोडजर्स इंग्लिस क्लब लेस्टर सिटीमा आवद्ध भएका छन् ।
उनलाई प्रिमियर लिग क्लब लेस्टर सिटीले नयाँ प्रशिक्षकका रुपमा क्लबमा अनुबन्ध गरेका हुन । लिभरपुलका पूर्व प्रशिक्षक रोडजर्स आगामी सन् २०२२ सम्म लेस्टर सिटीमा रहने छन् ।
यसअघि स्वान्से सिटी क्लबमा समेत प्रशिक्षकको भुमिका निर्वाह गरिसकेका उनी पुनः इंग्लिस क्लबमा नै फर्किएका हुन् । गत आइतवार भएको खेलमा लेस्टर सिटी क्रिस्टल प्यालेससँग ४-१ गोल अन्तरले पराजित भएसँगै क्लबका तत्कालिन प्रशिक्षक क्लाउड पियुललाई क्लबबाट बर्खास्त गरेको थियो ।
उनलाई स्कटिस क्लबले समेत प्रिमियर लिग क्लब फर्कन अनुमति दिएको जनाएको छ । क्लबमा अनुबन्ध भएपछि उनले भने, ‘म प्रशंसकलाई यो क्लबमा खुशी र गर्व हुने लायकको बनाउछु ।’
४६ वर्षे उनको नेतृत्वमा यहि साता लेस्टर सिटीले फुलह्यामसँग प्रिमियर लिग फुटबलमा प्रतिस्पर्धा गर्दैछ ।
यो खबर पढेर तपाईलाई कस्तो महसुस भयो ?
प्रतिक्रिया