काठमाडौं । पाकिस्तान सुपर लिग ‘पीएसएल’ क्रिकेट प्रतियोगिता अन्तर्गत नेपाली लेग स्पिनर सन्दीप लामिछाने आवद्ध लाहोर कलन्दर्स पराजित भएको छ ।
बिहीवार राति सम्पन्न भएको खेलमा लाहोर कराँची किंग्ससँग ५ विकेटले पराजित भएको हो । १ सय ३४ रनको विजयी लक्ष्य लिएर मैदानमा ब्याटिङ गरेको कराँचीले १९ दशमलब १ ओभरमा मात्र ५ विकेट गुमाउँदै निर्धारित लक्ष्य पुरा ग-यो ।
कराँचीका लागि लिम लिभिङस्टोनले सर्वाधिक ३८ रन र इफितिखर अहमदले अविजित ३३ रन बनाए ।
लाहोरका लागि सन्दीपले उत्कृष्ट बलिङ गर्दै दुई विकेट हात पारे । उनले ४ ओभरमा १७ रन खर्चेर दुई विकेट लिएका थिए । उनले बाबर अजामलाई ११ र कोलिन मुनरोलाई १५ रनमा पेभेलियनमा फर्काएका थिए ।
यसअघि टस हारेर पहिले ब्याटिङ गर्ने निम्तो पाएको लाहोरले निर्धारित २० ओभरमा ५ विकेट गुमाउँदै १ सय ३३ रनको योगफल तयार पारेको थियो । लाहोरका लागि एबी डिभिलियर्सले ३३ रन तथा सोहिल अख्तरले अविजित २९ रन जोडेका थिए ।
यो खबर पढेर तपाईलाई कस्तो महसुस भयो ?
प्रतिक्रिया