कोपा डेल रे फुटबलको उपाधिका लागि भ्यालेन्सिया र बार्सिलोना भिड्ने

एजेन्सी । भ्यालेन्सिया जारी स्पेनिस कोपा डेल रेको फुटबल प्रतियोगिताको फाइनलमा प्रवेश गरेको छ । 

बिहीवार राति सम्पन्न भएको सेमिफाइनलको दोस्रो लेगको खेलमा भ्यालेन्सियाले रियल बेटिसलाई १-० गोल अन्तरले पराजित ग¥यो । सगम्रमा भ्यालेन्सियाले रियल बेटिसलाई ३-२ गोल अन्तरले पराजित गर्दै अघिल्लो चरणको यात्रा तय गरेको हो ।

प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका थिए । भ्यालेन्सियाका लागि खेलको ५६ औँ मिनेटमा रोड्रिगोले गरेको एक मात्र गोल नै निर्णायक बनेको थियो ।

निर्धारित समयसम्म रियल बेटिसले पनि केही गोल गर्ने मौका पाएपनि सदुपयोग भने गर्न सकेन र खेलमा हार बेहो-र्यो । यसअघि भएको पहिलो लेगको खेल भने दुवै क्लब दुई-दुई गोलको बराबरीमा रोकिएका थिए ।

अब उपाधिका लागि भ्यालेन्सियाले बार्सिलोनाको सामना गर्नेछ ।