काठमाडौं । थ्रीस्टार क्लबले आहा–रारा गोल्डकप फुटबल प्रतियोगिताको उपाधि जितेको छ ।
पोखरा रंगशालामा शनिवार सम्पन्न भएको फाइनल खेलमा थ्रीस्टार क्लबले विभागीय टिम आर्मी क्लबलाई सडन डेथमा ५-४ गोल अन्तरले पराजित गर्दै उपाधिमाथि कब्जा जमाएको हो । प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका थिए ।
निर्धारित समयसम्म दुवै क्लबबाट समान एक-एक गोल भएपछि खेलमा ३० मिनेटको अतिरिक्त समय थप गरिएको थियो । थपिएको समयमा पनि दुवै क्लबबाट दुई-दुई गोलभउपछि खेलको निर्णय टाइब्रेकरबाट गरिएको थियो ।
टाईब्रेकरमा पनि ४-४ गोलको बराबरी भएपछि खेल सडनडेथमा पुगेको थियो । सडनडेथमा थ्री स्टारले ५-४ ले बाजी मार्यो । टाइब्रेकरमा थ्रीस्टारका रञ्जित धिमाल, रुपेश केसी, विक्रम लामा, अन्नत तामाङ र मिक्छेन तामाङले गोल गरे ।
उपाधिसँगै थ्री स्टारले ८ लाख नगद रुपैयाँ प्राप्त गरेको छ । यो उपाधिसागै थ्रीस्टार आहा रारा गोल्डकपको पाँचौ पटक उपाधि जितेको छ । त्यस्तै उपविजो बनेको आर्मी क्लबले ४ लाख रुपैयाँ जितेको छ ।
यो खबर पढेर तपाईलाई कस्तो महसुस भयो ?
प्रतिक्रिया