क्याम्पस हिडेकी छात्रा दिव्याको शव फेवातालमा फेला

कास्की । पोखरामा एक छात्राको शव फेला परेको छ । 

पोखरा नर्सिङ क्याम्पसमा अध्ययनरत १९ वर्षीय छात्रा दिव्या अधिकारीको शव फेला परेको छ । 

आइतवार बिहान कास्कीको अन्नपूर्ण गाउँपालिका २ को ढिकुरपोखरी बस्ने अधिकारीको शव फेवातालमा घोप्टो परेको अवस्थामा शव फेला परेको बैदाम कार्यालयका प्रमुख कोमल शाहले जानकारी दिए । 

परिवार स्रोतका अनुसार अधिकारी आज बिहानै क्याम्पस जानका लागि घरबाट हिँडेकी थिइन् । 

अहिले उनको शव पोखरा स्वास्थ्य विज्ञान प्रतिष्ठानमा परीक्षणका लागि पठाइएको शाहले बताए ।