काठमाडौं । आठौँ राष्ट्रिय खेलकुदका लागि प्रदेश ३ को लनटेनिस खेलाडी छनोट पूरा भएको छ ।
पुरुषमा ५ र महिलामा ३ खेलाडी छनोट भए । पुरुषमा भक्तपुरका कृष्णगोविन्द कासुला, काठमाडौंका शिवराम राना मगर, ललितपुरका निशान श्रेष्ठ, ललितपुरकै इभेक जोशी र मकवानपुरका कुमार जिसी छनोट भए । महिलामा ललितपुरकी प्रकृति श्रेष्ठ, ललितपुरकै रायना शाह र काठमाडौंकी अल्शा रेग्मी छानिए ।
यता प्रदेश २ बाट सहभागी हुने पुरुष÷महिला कबड्डी टोली छनोट भएका छन् । पुरुषमा धनुषाका नवल राउत, कल्याण भुजेल, रोहित यादव, विजय यादव र धनवीर मण्डल, सप्तरीका वायु चौधरी र महेश मण्डल, महोत्तरीका आलम मंसुर, रौतहटका दिलिप चौधरी, बाराका अमित पाठक र राम रुवरुप तथा पर्साका गोविन्द खड्का रहेका छन् ।
महिलामा धनुषाकी रेनु महतो, रिचा सिंह र दिब्या साह, सप्तरीकी सरस्वती चौधरी, महोत्तरीकी अनु सुम्लिङ, सर्लाहरीकी सुस्मिता कार्की, रौतहटकी रुपा चौधरी, बाराका गंगा घिमिरे र प्रियंका यादव तथा पर्साकी श्रुति गौरो रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया