ला लिगा फुटबलमा लेगानेसको कठिन जित

एजेन्सी । स्पेनिस ला लिगा फुटबल प्रतियोगिता अन्तर्गत लेगानेस विजयी भएको छ । 

सोमवार राति सम्पन्न भएको खेलमा लेगानेसले लेभान्तेलाई १-० गोल अन्तरले पराजित गरेको हो । लेगानेसका लागि ओस्कार रोड्रिग्युज एनाईजले गरेको एक मात्र गोल नै निर्णायक बनेको थियो । उनले खेलको १३ औँ मिनेटमा गोल गरेका थिए ।

प्रतिस्पर्धात्मक खेलको पहिलो हाफसम्म एक गोलले अगाडि रहेको लेगानेसले दोस्रो हाफमा भने गोल गर्न सकेन । निक्कै रोमाञ्चक बनेको खेलको निर्धारित समयसम्म लेभान्तेले पनि केही गोल गर्ने मौका पाएपनि सदुपयोग भने गर्न सकेन र खेलमा १-० को हार बेहोर्यो ।

यो जितपछि लेगानेस २६ खेलबाट ३३ अंकका साथ लिगको ११ औँ स्थानमा उक्लिएको छ । अहिलेसम्म ६० अंक बनाएको बार्सिलोना लिगको शिर्ष स्थानमा छ ।

त्यस्तै दोस्रो स्थानमा रहेको एथ्लेटिको म्याड्रिडको ५३ अंक छ । ४८ अंकका साथ रियल म्याड्रिड तेस्रो स्थानमा छ ।