एजेन्सी । इंग्लिस क्लब टोट्नह्याम जारी ‘युइएफए’ च्याम्पियन्स लिग फुटबल प्रतियोगिताको क्वाटरफाइनलमा प्रवेश गरेको छ ।
मंगवार राति सम्पन्न भएको अन्तिम १६ को दोस्रो लेगको खेलमा टोट्नह्यामले जर्मन क्लब बोरुसिया डटमुण्डलाई १-० गोल अन्तरले पराजित गरेको हो ।
यसअघि भएको पहिलो लेगको खेलमा भने टोट्नह्यामले बोरुसिया डटमुण्डलाई ३-० गोल अन्तरले पराजित गरेको थियो । प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका थिए ।
दोस्रो हाफमा थप सुधारिएको खेल खेलेको टोट्नह्यामका लागि कप्तान ह्यारी केनले गोल गर्दै क्लबलाई शुरुवाती अग्रता दिलाए । उनले खेलको ४८ औँ मिनेटमा गरेको एक मात्र गोल नै निर्णायक बनेको थियो ।
केनले मौसा सिसोकोको दिएको पासलाई सदुपयोग गर्दै गोलपोष्टको जाली चुमाए । टोट्नह्याम सन् २०११ पछि पहिलो पटक च्याम्पियन्स लिगको क्वाटरफाइनलमा प्रवेश गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया