जिदानले अस्वीकार गरे रियलको प्रशिक्षक बन्ने प्रस्ताव

एजेन्सी । जिनेदान जिदानले स्पेनिस क्लब रियल म्याड्रिडको प्रशिक्षक बन्न अस्वीकार गरेका छन् ।

 फ्रान्सेली प्रशिक्षक जिनेदान जिदानले रियल म्याड्रिडको प्रशिक्षक बन्न आएको प्रस्ताव अस्वीकार गरेको जानकारी दिएका छन् । जारी सिजनमा रियल म्याड्रिडले खराब प्रर्दशन गर्दै आएपछि प्रशिक्षक परिवर्तन गर्ने तयारी गरेको थियो ।

रियलका पूर्व अध्यक्ष रामोन क्याल्डरनका अनुसार जिदानले प्रशिक्षक बन्ने प्रस्ताव सिधै अस्वीकार गरेको जानकारी दिए । 

गत सिजनमा च्याम्पियन्स लिगको उपाधि जिताएपछि जिदानले रियल म्याड्रिड छाडेका थिए । ला लिगा फुटबलको तेस्रो स्थानमा रहेको रियल म्याड्रिड यसअघि कोपा डेल रे फुटबल र च्याम्पियन्स लिगबाट बाहिरिसकेका छन् ।