काठमाडौं । पूर्वराजा ज्ञानेन्द्र शाहले १९औँ एसियाली खेलकुदमा मंगोलियाविरुद्धको खेलमा नेपालले विश्व कीर्तिमानहरू कायम राख्न सफल भएकोमा नेपाली क्रिकेट टिमलाई बधाई तथा शुभकामना दिएका छन् ।
पूर्वराजा शाहले एक विज्ञप्ती जारी गर्दै विश्व कीर्तिमानहरू कायम राख्न सफल भएकोमा सबै खेलाडी र नेपाली क्रिकेट टिमलाई बधाइ तथा शुभकामना दिएका हुन् ।
उनले देशको राष्ट्रिय पहिचानले अनेकौँ चुनौतीहरूको सामना गरिरहनु परेको समयमा क्रिकेट खेलाडीहरूले अनेकौँ प्रतिकुलताका बावजुद जुन सफलता हासिल गरेका छन् त्यसले नेपालको राष्ट्रिय गौरव बढाएको बताएका छन् ।
शाहले शुभकामना शन्देशमार्फत चाइनामा भएको १९औँ एसियाली खेलकुदमा नेपालले मङ्गोलियासँग खेलेको टी-२० क्रिकेट खेलमा नेपाली क्रिकेट टिम र खेलाडीहरूले राखेको विश्व कीर्तिमानी प्रति खुसी व्यक्त गरेका छन् ।
गत असोज १० गते एसियाली खेलकुद प्रतियोगिताको पुरुष टी-२० अन्तर्राष्ट्रिय क्रिकेटमा नेपालले विश्व कीर्तिमानी राख्न सफल भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया