काठमाडौं । १९औँ एशियाली खेलकुद प्रतियोगितामा सहभागी हुन गएको नेपाली राष्ट्रिय क्रिकेट टोली स्वदेश फर्किएको छ ।
क्वार्टरफाइनलमा भारतसँग पराजित भएर पनि उत्कृष्ट प्रदर्शन गरेको नेपाली क्रिकेट टोली बिहीबार स्वदेश फर्किएको हो । टोलीलाई त्रिभुवन अन्तर्राष्ट्रिय विमानस्थलमा ब्याण्ड बाजासहित स्वागत गरिएको थियो ।
विमानस्थलमा सञ्चारकर्मीहरुसँग कुरा गर्दै क्रिकेट टिमका कप्तान रोहितकुमार पौडेलले नतिजा नेपालको पक्षमा नआए पनि यो भ्रमण धेरै सकरात्मक रहेको बताए ।
उनले भने, ‘सोचेको जस्तो रिजल्ट आएन् । चुनौतीपुर्ण त छँदै थियो तर अन्तिम ओभरमा फिल्डिङमा कमजोरी भएकाले भारतसँग हार व्यहोर्नुप¥यो । निरासासँगै खेल सकारात्मक नै थियो । ’
साथै उनले आउने दिनमा बलिया देशहरुसँग खेल्न पाए र झनै अभ्यास गर्न पाए खेल्न सहज हुने विश्वास व्यक्त गरे ।
यस्तै क्रिकेटर दीपेन्द्र सिंह ऐरीले रेकर्ड तोडेर विश्वकिर्तिमानी राख्न पाउँदा धेरै खुशी भएको बताए ।
यो खबर पढेर तपाईलाई कस्तो महसुस भयो ?
प्रतिक्रिया