एजेन्सी । डिफेन्डिङ च्याम्पियन वायर्न म्युनिख जारी जर्मन बुन्डेस लिगा फुटबलको शिर्ष स्थानमा उक्लिएको छ ।
आफ्नो घरेलु मैदानमा शनिवार राति सम्पन्न भएको खेलमा वायर्न म्युनिखले वुल्फबर्गलाई ६-० को फराकिलो अन्तरले पराजित गर्दै लिगको शिर्ष स्थानमा उक्लिएको हो । वार्यनको जितमा रोबर्टो लेवान्डुस्कीले दुई गोल गरे ।
त्यस्तै सेर्गी गेनाब्री, थोमस मुलर, जेमस रोड्रिगेज र जोसुवा किमिचले समान एक-एक गोल गरे । जितपछि वायर्न म्युनिखले २५ खेलबाट ५७ अंक जोडेको छ । यता वुल्फबर्ग ३९ अंक सहित सातौं स्थानमा छ ।
त्यस्तै शनिवार राति नै भएको अर्को खेलमा लिगको दोस्रो स्थानमा रहेको बोरुसिया डर्टमुन्डले स्टुटगार्डलाई ३-१ गोल अन्तरले पाखा लगायो । जितपछि बोरुसियाले ५७ अंक बनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया