एजेन्सी । इथियोपियन एयरलाइन्सको बोइङ्ग ७३७ विमान दुर्घटनामा परेको छ।
इथियोपियाको आदिस अबासाबाट केन्याको नाइरोबी उडेको विमान दुर्घटनामा परेको हो ।
एयरलाइन्सका अनुसार विमानमा १४९ जना यात्रु र आठजना चालक दलका सदस्य रहेको अन्तर्राष्ट्रिय सञ्चारमाध्यमहरुले जनाएका छन् ।
उडेको केही समयभित्र स्थानीय समय अनुसार आइतवार बिहान ८ बजेर ४४ मिनेटमा दुर्घटना भएको विमानका प्रवक्ताले प्रेस विज्ञप्ति मार्फत जानकारी दिएका हुन् ।
दुर्घटनाको कारण, स्थल र घटनाको बाँकी विवरण भने आउन बाँकी रहेको छ ।
इथियोपियनका प्रधानमन्त्री अबी अहमदले ट्विटरमार्फत आफ्नो गहिरो संवेदना व्यक्त गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया