आर्मीले जित्यो झापा गोल्डकपको उपाधि

काठमाडौं । विभागिय क्लब त्रिभुवन आर्मी क्लबले चौथो झापा गोल्डकप फुटबल प्रतियोगिताको उपाधि जितेको छ । 

डोमालाल राजवंशी रंगशालामा सोमवार भएको फाइनल खेलमा आर्मी क्लबले आयोजक झापा एघारलाई ५-३ गोल अन्तरले पराजित गर्दै उपाधि आफुनो पोल्टामा पारेको हो ।

खेलको पहिलो हाफसम्म आर्मी क्लबले २-१ गोलको अग्रता लिएको थियो । खेलको २५ औँ मिनेटमा आर्मीका लागि सन्तोष तामाङले पहिलो गोल गर्दै क्लबलाई शुरुवाती अग्रता दिलाए । त्यस्तै ३२ औँ मिनेटमा कप्तान भरत खवासले गोल गरे ।

४३ औँ मिनेटमा झापाका फ्रान्सिसले गोल गर्दै खेललाई २-१ को स्थितीमा पु-याए । प्रतिस्पर्धात्मक बनेको खेलको ५३ औँ मिनेटमा झापाका लागि योगेश गुरुङले गोल गर्दै खेललाई २-२ गोलको बराबरीमा ल्याए ।

त्यस्तै ७५ औँ मिनेटमा आर्मीका लागि नवयुग श्रेष्ठले गोल गरे । ८३ औँ मिनेटमा पुनः श्रेष्ठले व्यक्तिगत दोस्रो तथा क्लबका लागि चौंथो गोल गरे । खेल सकिनै लाग्दा आर्मीका टेक बहादुर बुढाथोकीले गोल गरेपछि झापा स्तब्ध बनेको थियो ।

आयोजक झापा लगातार चौंथो पटक फाइनलमा पुग्दै उपाधि जित्नबाट वञ्चित बनेको हो । साविक विजेता समेत रहेको आर्मीले उपाधिसँगै १२ लाख ५५ हजार रुपैयाँ जितेको छ । त्यस्तै उपविजेता बनेको झापा एघारले ६ लाख ५ हजार रुपैयाँ प्राप्त गरेको छ ।