काठमाडौं । मोरङको बेलबारी नगरपालिका १० चिसाङ खोलाको पुलमा प्रेसर कुकर बम फेला परेको छ ।
पूर्व–पश्चिम राजमार्गको बीच भागमा बम फेला परेपछि डेढ घण्टादेखि राजमार्ग अवरुद्ध भएको छ ।
बम फेला परेको ठाउँमा नेपाली सेनाको बम डिस्पोजल टोली पुगेको छैन
इलाका प्रहरी कार्यालय बेलबारीका प्रहरी निरीक्षक रामकुमार राईका अनुसार कुकर बमको माथिल्लो भागमा रातो टेप लगाइएको छ ।
कुकर बमबाट करिब २० मिटर लामो बिजुलीको तार जंगलतिर लगिए उनले बताए ।
स्थानीयबासीका अनुसार एक अपरिचित व्यक्तिहरुको समूहले यहाँ बम राखिएको छ यताउता नहिँड्न भएका छन् ।
स्थानीयबासीले भने, ‘एक अपरिचत व्यक्तिको समूहले हामी ‘विप्लव’का कार्यकर्ता हौं, बम राखिएको छ, यताउता नहिँड्नुहोला, भन्दै बम राखेर हिँडे ।’
डेढ घण्टादेखि प्रहरीले राजमार्ग बन्द गरेको छ भने पैदलयात्रुलाई पनि हिँडडुल गर्नमा रोक लगाएको छ ।
यो खबर पढेर तपाईलाई कस्तो महसुस भयो ?
प्रतिक्रिया