न्यूजिल्याण्डको दुई वटा मस्जिदमा अज्ञात समूहद्वारा आक्रमण

एजेन्सी । न्यूजिल्याण्डको दुई वटा मस्जिदमा अज्ञात समूहले आक्रमण गरेको छ । 

अन्तर्राष्ट्रिय समाचार एजेन्सीहरुका अनुसार न्यूजिल्याण्डको क्राइस्टचर्चमा अवस्थित दुई वटा मस्जिदमा अज्ञात समूहले अन्धाधुन्द गोली प्रहार गरेका हुन् । अज्ञात समूहको गोली प्रहारबाट  ‘धेरै हताहत’ भएको  जनाइएको छ । 

सो आक्रमणमा बालबालिकासहित कम्तिमा २७ जनाको मृत्यु भएको डेली मेलले जनाएको छ । 

मस्जिदमा आज जुमेको नमाज थियो । त्यही बेला आक्रमण भएको हो । 

प्रधानमन्त्री जेसिन्डा अर्डनले मस्जिदमा भएको आक्रमणप्रति दुःख व्यक्त गरेकी छिन् । उनले न्यूजिल्याण्डका लागि कालो दिन भएको प्रतिक्रिया समेत दिएकी छिन् ।